Մերկելի վարկանիշը Գերմանիայում շարունակում է նվազել

15:55 • 28.10.15

Գերմանիայի կանցլեր Անգելա Մերկելին պատկանող Քրիստոնեա-սոցիալական միության ու Քրիստոնեա-դեմոկրատական միության կուսակցական դաշինքի վարկանիշը նվազել է` հասնելով վերջին երեք տարվա ամենացածր մակարդակին։

 

Ինչպես տեղեկացնում է РИА Новости գործակալությունը, պատճառը ներգաղթյալների հանդեպ իրականացվող քաղաքականությունն է։

 

Տվյալները ներկայացրել է հասարակական կարծիքի ուսումնասիրության Forsa կենտրոնը։

 

Համաձայն սոցհարցումների տվյալների՝ Մերկելի դաշինքի վարկանիշն ընկել է մինչև 36%։

 

Կանցլերի վարկանիշը ևս նվազել է։ Նրա քաղաքականությանն աջակցում է հարցվածների 46 տոկոսը: Սակայն հարցվածների միայն 16 տոկոսն է ցանկանում Գերմանիայի ներկայիս փոխկանցլեր Զիգմար Գաբրիելին տեսնել կանցլերի պաշտոնում։