Գվինեայում Էբոլայով վարակվածների թիվը հասել է 9-ի

09:21 • 29.10.15

Գվինեայում Էբոլա վիրուսով վարակվածների թիվը հասել է 9-ի, հայտնում է Reuters գործակալությունը` երկրի առողջապահության համակարգի ներկայացուցիչներին հղումով:

 

Էբոլայով վարակվելու վերջին 3 դեպքը գրանցվել է Ֆորեկարիա քաղաքում: Վիրուսի դեմ պայքարի հարցով տեղի կազմակերպության ներկայացուցչի խոսքով` վարակվածները մի ընտանիքից են, որտեղ նախկինում հիվանդությունից մի կին է մահացել, փոխանցում է РИА Новости-ն:

 

«Ընդհանուր առմամբ, մեր կենտրոններում բուժվում է 9 մարդ, նրանց մեծ մասը կապ է ունեցել մահացած կնոջ հետ»,- նշել է կազմակերպության ներկայացուցիչը:

 

Առողջապահության համաշխարհային կազմակերպությունում նշում են, որ Գվինեայում Էբոլայի համաճարակի ավարտի մասին խոսել հնարավոր կլինի միայն 42 օր անց այն պահից, երբ կրկնակի հաստատվի վերջին հիվանդի առողջացումը։