Կանադայի ՌՕՈւ-ն կարող է կապ ունենալ Իրաքում խաղաղ բնակիչների սպանության հետ. լրատվամիջոցներ

11:57 • 30.10.15

Կանադական կործանիչները, որոնք մասնակցում են միջազգային ռազմական գործողությանն Իրաքում «Իսլամական պետություն» ահաբեկչական խմբավորման դեմ պայքարում, կարող են կապ ունենալ խաղաղ բնակիչների մահվան հետ, գրում է РИА Новости-ն` հղում անելով Պենտագոնի տվյալներին:

 

Իրադարձությունները, որոնց մասին ասվում է Պենտագոնի զեկույցում, տեղի են ունեցել դեկտեմբերի 21-ին Իրաքի Էլ- Ֆալուջա քաղաքում: Խոսքը Կանադայի և Ավստրալիայի ՌՕՈւ-ի համատեղ ռմբակոծությունների մասին է, երբ ավիահարվածներից հետո շենքից մի կին և մի երեխա են դուրս եկել:
 

«Երեխային անհայտ անձինք հասցրել են հիվանդանոց, իսկ կինն ընկել է ճանապարհին և մնացել»,- նշվում է զեկույցում։

 

Իրաքում և Սիրիայում կանադական ավիաարշավի ղեկավար Լիզ Բուրժոն հայտնել է, որ տեղեկություն չունի խաղաղ բնակիչների մահվան մասին։