Լոնդոնում արգելել են մեծ մզկիթի շինարարությունը

Մեծ Բրիտանիայի կառավարությունն արգելել է Լոնդոնում մզկիթի շինարարությունը, որի չափերը պետք է գերազանցեին Սուրբ Պողոսի տաճարի չափերը, գրում է Корреспондент-ը:

Մզկիթը նախատեսվում էր կառուցել Լոնդոնի Նյուեմ շրջանում: Սակայն շրջանի թաղապետարանը մերժել է շինարարությունը: Նախագիծը մշակողները դիմել են կառավարությանը: Սակայն վերջինս աջակցել է համայնքային իշխանությունների որոշմանը:

«Նախարարները մերժել են դիմումը»,- հայտնել է կառավարության ներկայացուցիչը:

Համաձայն նախագծի` մզկիթը պետք է նախատեսված լիներ հիմնական մասում 9.300 հավատացյալի համար, լրացուցիչ մասում՝ ևս 2.000-ի համար։