Հունաստանի վարչապետ Ցիպրասն ամոթալի է համարում ԵՄ-ի քաղաքականությունը փախստականների հանդեպ

16:39 • 30.10.15

Հունաստանի վարչապետ Ալեքսիս Ցիպրասը հայտարարել է, որ իր համար ամոթալի է լինել ԵՄ անդամ, որն իր վրայից գցում է փախստականների ճգնաժամի համար պատասխանատվությունն ու կեղծ արցունքներ է թափում խեղդված երեխաների համար:

 

Ինչպես տեղեկացնում է gazeta.ru-ն, այդ մասին նա հայտարարել է խորհրդարանում ունեցած ելույթի ընթացքում:

 

Ցիպրասը հավելել է, որ իրեն «ոչ մի եվրո» պետք չէ մարդկանց կյանքերը փրկելու համար, քանի որ ամեն օր Հունաստան հազարավոր փախստականներ են գալիս:

 

Վերջին տվյալներով՝ Թուրքիայից Հունաստան լողացող երկու նավակների խորտակման հետևանքով 35 մարդ է մահացել։