Բախում Թուրքիայի ընտրատեղամասերից մեկում. ոստիկանությունն ստիպված է եղել արցունքաբեր գազ է կիրառել

15:32 • 01.11.15

Թուրքիայի Քոջալեի նահանգի Դարըջա շրջանում քվեարկության ընթացքում իշխող «Արդարություն և զարգացում» կուսակցության (ԱԶԿ) ու քրդամետ «Ժողովուրդների դեմոկրատիա» կուսակցության ներկայացուցիչների միջև վիճաբանություն է տեղի ունեցել:


Ինչպես տեղեկացնում է Milliyet-ը, ոստիկանությունը վիճաբանող կողմերին բաժանելու համար ստիպված է եղել արցունքաբեր գազ կիրառել:


Ըստ տարածված տեղեկատվության՝ տեղամասերից մեկում 80 տարեկան կնոջը փորձել են օգնել ազգականները, ինչի պատճառով էլ վեճ է սկսվել հանձնաժողովի անդամների ու ազգականների միջև:


Համաձայն պնդումների՝ հանձնաժողովի ԱԶԿ-ական ղեկավարը տարեց կնոջ ձեռքից վերցրել է քվեաթերթիկն ու պատռել:


Սկսված վիճաբանությունը վերածվել է ԱԶԿ-ի և ԺԴԿ-ի միջև բախման է վերածվել: Դեպքի վայր են ժամանել ոստիկաններն ու արցունքաբեր գազ են կիրառել: Սկսվել է քննություն: