Գերմանացիների հակակրանքը փախստականների հանդեպ կվերածեն գումարի. լրատվամիջոցներ

11:01 • 02.11.15

Փախստականների հոսքից տառապող Գերմանիայում որոշել են համաքաղաքացիների հակակրանքը ներգաղթյալների հանդեպ վերածել գումարի։

 

«Ատելությունն օգնում է» հատուկ հիմնադրամը գումար է հատկացնում` 1 եվրո սոցկայքերում յուրաքանչյուր «ատելությամբ լի» մեկնաբանության համար։ Ցանկացած օգտատեր կարող է ուղարկել մեկնաբանության հղումը կամ ոչ քաղաքավարի արտահայտությամբ էջի լուսանկարը, գրում է РИА Новости-ն` հղում անելով The Washington Post-ին:

 

Այդպիսով` նախագծի կազմակերպիչները նշում են, որ «որքան շատ է ատելությունը` այնքան շատ է գումարը»: Ներկայում հավաքվել է մոտ 1300 եվրո:

 

Facebook սոցկայքն աջակցել է նախագծին. այն թեև հրաժարվել էր հովանավորությունից, սակայն օգնել է կազմակերպիչներին գովազդի հարցում։