Թուրք-սիրիական սահմանի մոտ պայթյուն է տեղի ունեցել. տուժել է 20 մարդ
Թուրքիայի Մարդին նահանգում տեղի ունեցած պայթյունից վիրավորվել է առնվազն 20 մարդ, տեղեկացնում է թուրքական HaberTurk կայքը։
Միջադեպը տեղի է ունեցել թուրք-սիրիական սահմանի մոտ գտնվող Նուսայբին քաղաքի կենտրոնում:
Բնակելի թաղամասում կայանված մեքենան դեռևս անհայտ պատճառով պայթել է: Դրանից հետո առևտրի կենտրոնում հրդեհ է բռնկվել:
Բոլոր տուժածները տեղափոխվել են տեղի հիվանդանոց: Նրանցից շատերը շնչառական խնդիրներ ու թեթև վնասվածքներ են ունեցել։
Դեպքի վայրում աշխատում են հրշեջները, բժիշկներն ու փրկարարները:










