Արթուր Հարությունյանը ո՛չ հաստատում, ո՛չ հերքում է, որ Մոսկվա–Երևան վթարված ավտոբուսը «Քինգ դե լյուքս» ընկերությանն է

Tert.am–ը կապ հաստատեց «Քինգ դե լյուքս» ընկերության տնօրեն Արթուր Հարությունյանի (Պալաչ) հետ՝ ճշտելու այն տեղեկությունը, թե արդյոք Մոսկվայից Երևան եկող ավտոբուսը, որը վթարի է ենթարկվել, պատկանում է «Քինգ դե լյուքս» ընկերությանը։

Արթուր Հարությունյանը ո՛չ հաստատեց, ո՛չ էլ հերքեց տեղեկությունը՝ ասելով. «Ես չեմ կարող պատասխանել։ Ոչ մի հարցի չեմ կարող պատասխանել։ Վատ դեպք է եղել։ Փորձում են տեղեկություններ ճշտել տուժածների վերաբերյալ»։

Տեղեկացնենք նաև, որ «Ֆեյսբուք» սոցիալական ցանցում տեղեկություններ են շրջանառվում այն մասին, որ ավտոբուսում երկրորդ վարորդ չի եղել։