Սիրիական բանակն ազատագրել է Հալեպ տանող կենսական կարևորության ճանապարհը.РИА Новости
Սիրիական բանակը ՌԴ ավիացիոն ուժերի աջակցությամբ նոյեմբերի 4-ին ազատագրել է Հալեպ տանող արևելյան մայրուղին:
Ինչպես փոխանցում է РИА Новости-ի թղթակիցը` կենսական նշանակության ճանապարհի ազատագրմամբ զինվորականները քաղաքը դուրս են բերել 2 շաբաթ տևած շրջափակումից:
Այս մասին հաղորդում է նաև Հալեպի «Գանձասար» պարբերականը` նշելով, որ ազատագրվել է Խանասերի ճանապարհը, որը Հալեպը արտաքին աշխարհի հետ կապող միակ ուղին է:
Ըստ հաղորդագրության` բանակային ուժերն ավարտին են հասցնում ճանապարհի ականազերծման աշխատանքները: Այժմ ճանապարհով անցնում են միայն բանակային մեքենաներն ու տեխնիկան, ինչպես նաև սննդամթերք և վառելիք տեղափոխող մեքենաները:










