«Զվարթնոց»–ում թռիչքից առաջ ինքնաթիռի ապակու վրա ճաք է հայտնաբերվել

«Զվարթնոց» օդանավակայանում նոյեմբերի 3-ի լույս 4-ի գիշերը Երևան-Վիեննա չվերթի իրականացումից առաջ ինքնաթիռի ապակու վրա ճաք է հայտնաբերվել: Այս մասին Tert.am-ին հայտնեց ՀՀ քաղավիացիոն գլխավոր վարչության մամուլի քարտուղար Ռուբեն Գրձելյանը։

«Սա շարքային դեպք է, հայտնաբերվել է փոքր ճաք, ինքնաթիռի բորտը փոխվել է, մինչև  ավիաընկերությունն իր տեխնիկական  սպասարկող ընկերության  հետ կորոշի` ինքնաթիռը տեղու՞մ է վերանորոգվելու, թե այլ վայրում»,– ասաց նա:

Ռուբեն Գրձելյանը նաև տեղեկացրեց, որ ուղևորները Երևանից մեկնել են այլ օդանավով։