Եղանակն՝ այսօր
Ղրղզստանի նախագահը խոսել է խորհրդարանական կառավարման անցնելու մասին
Ղրղզստանի նախագահ Ալմազբեկ Աթամբաևն արտահայտվել է երկրի` խորհրդարանական կառավարման անցման օգտին, գրում է gazeta.ru-ն։
Ելույթ ունենալով կառավարության նոր կազմի երդմնակալության արարողությանը՝ երկրի նախագահն առաջարկել է խորհրդարանականներին ուսումնասիրել Սահմանադրության մեջ փոփոխություններ մտցնելու հարցը երկրի կառավարման ձևը փոխելու վերաբերյալ, քանի որ նրա խոսքով՝ «հիմնական օրենքում հակասություններ կան»։
«Ցանկության դեպքում այն կարելի է այս կամ այն ուղղությամբ մեկնաբանել»,- նշել է նա։ «Եթե երկրի ապագան երկու տարուց մենք փոխանցենք մի մարդու ձեռքը, դա ճիշտ չի լինի»,- հավելել է նա։
Աթամբաևը կոչ է արել կառավարությանն ուսումնասիրել նախագահի լիազորությունների կրճատման և խորհրդարանական կառավարման անցման հարցը և այն դնել ժողովրդի քննարկմանը։
Studio One