Ռուսաստանում ուսանողներն իրենց մարմիններով Պուտինի դիմանկարն են պատկերել (տեսանյութ)

Ռուսական Չելյաբինսկ քաղաքում ուսանողական խմբերի համառուսաստանյան հավաքի միջոցառման շրջանակում մի քանի հազար ուսանողներ իրենց մարմիններով կազմել են ՌԴ նախագահ Վլադիմիր Պուտինի հսկայական դիմանկարը, տեղեկացնում է korrespondent.net-ը։

Իրենց ձեռքում սպիտակ թղթեր պահելով՝  երիտասարդներն այնպես են կանգնել, որ վերևից նայելիս պատկերվել է Պուտինի դիմանկարը։

«Մենք շատ էինք սպասում, որ Վլադիմիր Վլադիմիրովիչը ժամանակ կգտնի ու կգա՝ մասնակցելու բացմանը, սակայն կարծես թե նրա օրակարգը չափազանց հագեցած է»,-ասել է կամավորներից Դմիտրին։

Կազմակերպիչների համաձայն՝ ակցիային մասնակցել է ավելի քան 2.000 մարդ՝ Չելյաբինսկի ուսանողներն ու կամավոր քաղաքացիներ։