ԱՄՆ-ում բանկային աշխատակցին ստիպել են իր աշխատավայրից ավելի քան 100.000 դոլար գողանալ

Ամերիկյան Օհայո նահանգում բնակվող բանկային աշխատակցի ընտանիքի անդամներին պատանդ են վերցրել, իսկ նրանից պահանջել աշխատավայրից ավելի քան 100 հազար դոլար գողանալ։ Այդ մասին հայտնել է տեղի ոստիկանությունը, գրում է gazeta.ru-ն։

Տղամարդու կնոջը և երեխաներին պատանդ են վերցրել դեռ ցերեկը։ Երեկոյան, երբ նա վերադարձել է տուն, նրան նույնպես պատանդ են վերցրել: Նրանից պահանջել են աշխատավայր գնալ և մեծ գումար գողանալ։

Տղամարդու խոսքով՝ նա 100-ից մինչև 200 հազար դոլար է վերցրել և վերադարձել է տուն՝ գումարը տալով հանցագործին: Դրանից հետո հարձակվողը բաց է թողել նրա ընտանիքին։ Տուժածի խոսքով՝ ընտանիքին պատանդ վերցրած հանցագործը հեռացել է տան մոտ եկած ավտոմեքենայով։

Տեղի ոստիկանությունը և Հետաքննությունների դաշնային բյուրոն սկսել են տեղի ունեցածի հետաքննությունը։