Ադրբեջանում Ազգային անվտանգության նախարարության ևս մի բարձրաստիճան պաշտոնյա է ձերբակալվել

Ադրբեջանի գլխավոր դատախազությունը ձերբակալել է երկրի ազգային անվտանգության նախարարության հակահետախուզության գլխավոր վարչության բաժնի ղեկավար, գնդապետ Միրազիզ Ասկերովին։

Ինչպես տեղեկացնում է ադրբեջանական Trend գործակալությունը, այդ մասին հայտնել են իրավապահ մարմինների ներկայացուցիչները:

Նշվում է, որ Ասկերովը ձերբակալվել է ստացված բողոքների հիման վրա: Ներկայում ընթանում է քննություն։

Հիշեցնենք, որ Ադրբեջանի ազգային անվտանգության նախարարությունում խնդիրներն սկսել էին նախարարի անսպասելի պաշտոնանկությունից հետո: Դրան հաջորդել էին բազմաթիվ ձերբակալություններ ու պաշտոնանկություններ ԱԱՆ-ի բարձրաստիճան ղեկավարության շրջանում։ 

Կարող եք կից կարդալ՝

 Ադրբեջանական ԿԳԲ-ի թոզն ու դումանը (ինֆոգրաֆիկա)