ՌԴ-ն պատրաստ է համագործակցել Լիբանանի հետ ԻՊ-ի դեմ պայքարում

Ռուսաստանը պատրաստ է համագործակցել Լիբանանի հետ ահաբեկչության, մասնավորապես՝ «Իսլամական պետություն» ահաբեկչական խմբավորման դեմ պայքարում։ ՌԴ նախագահ Վլադիմիր Պուտինն արդեն ցավակցական հեռագիր է հղել Բեյրութի արվարձանում տեղի ունեցած խոշոր ահաբեկչության կապակցությամբ, հայտնում է «ՌԻԱ Նովոստի» գործակալությունը՝ Կրեմլի մամուլի ծառայությանը հղումով։

Հիշեցնենք, որ Լիբանանի մայրաքաղաք Բեյրութում տեղի ունեցած խոշոր ահաբեկչության պատասխանատվությունը ստանձնել է «Իսլամական պետություն» ահաբեկչական խմբավորումը։

Լիբանանի լրատվամիջոցների հաղորդմամբ՝ ահաբեկիչները հայտարարություն են տարածել, որում նշվում է, որ հարձակումը  կազմակերպել են իրենք:

Ավելի վաղ հաղորդվել էր, որ Բեյրութի Բուրջ ալ-Բարաժնե արվարձանում 2 ռումբ է պայթել։ Դրա հետևանքով զոհվել է ավելի քան 40, վիրավորվել մոտ 200 մարդ: Նախնական տեղեկություններով՝ ռումբերը պայթեցրել են մահապարտ ահաբեկիչները: