Ֆրանսիայի օդուժը մեկ օրում երկրորդ անգամ ավիահարվածներ է հասցրել Սիրիայում ԻՊ-ի դիրքերին

Սիրիայում «Իսլամական պետության» դիրքերը ֆրանսիական օդուժի հարվածների թիրախ են դարձել, տեղեկացնում է НТВ-ն։

Մեկ օրում երկրորդ անգամ ֆրանսիացի զինվորականներն ավիահարվածներ են հասցրել իսլամիստների մայրաքաղաքը համարվող Ռաքքայի օբյեկտներին։

Տեղեկությունը հաստատել է Ֆրանսիայի ԶՈՒ գլխավոր շտաբի ներկայացուցիչը։ «Վերջին 24 ժամում արդեն երկրորդ անգամ ֆրանսիացի զինվորականներն ավիաթռիչքներ են իրականացրել Սիրիայի Ռաքքա քաղաքում և հարվածներ հասցրել ԻՊ-ին»,-ասել է նա։

Ֆրանսիայի օդուժը ոչնչացրել է հրամանատարային կետ ու ահաբեկիչներին մարզելու ճամբար։

Երեկ Ֆրանսիայի զինուժը զանգվածային հարված էր հասցրել Ռաքքայում, որը համարվում է Սիրիայի տարածքում «Իսլամական պետության» կենտրոնը։

Հաղորդվում է, որ երեկ ռազմական ինքնաթիռներից 20 ռումբ է արձակվել Ռաքքայի վրա։