Քրիստիան Բեյլը հրաժարվել է մարմնավորել Ferrari-ի հիմնադիր Էնցո Ֆեռարիին

Բրիտանացի դերասան Քրիստիան Բելը, ով պետք է մարմնավորեր Էնցո Ֆեռարիի կերպարը, վերջին պահին հրաժարվել է ֆիլմում նկարահանվելուց`  առողջության համար մտահոգության պատճառով:

Ինչպես հաղորդում է  Variety պարբերականը`  ֆիլմի նկրահանումները մեկնարկում են գարնանը, և մինչ այդ դերասանը պետք է բավականին քաշ հավաքեր` կերպարին համապատասխանելու համար:  Բեյլը հասկացել է, որ առանց առողջությանը վնաս հասցնելու նման արդյունքի չի կարողանա հասնել և ստիպված հրաժարվել է նկարահանվելու առաջարկից:

Այժմ ֆիլմի ռեժիսոր Մայքլ Մանը և Vendian Entertainment  կինոստուդիան պետք է հապճեպ  կարգով  Բեյլին փոխարինող գտնեն, որպեսզի Ferrari ընկերության հիմնադրի կյանքին նվիրված  ֆիլմի նկարահանումները չհետաձգվեն:

Հայտնի է, որ ֆիլմի սյուժեն պատմում է 1957 թվականի գործողությունների մասին, երբ Ferrari-ն մուտք էր գործում մեքենաշինության ասպարեզ: