ԻՊ-ի գրոհայինները Մոսուլի համալսարանում նոր սերնդի պայթուցիկ սարքերի արտադրություն են սկսել. The Wall Street Journal

«Իսլամական պետություն» ահաբեկչական խմբավորման գրոհայինները լաբորատորիաների հիման վրա Իրաքի Մոսուլ քաղաքի համալսարանում նոր սերնդի պայթուցիկ սարքերի արտադրություն են սկսել, այդ թվում`քիմիական մարտական մասերի։

Այս մասին The Wall Street Journal-ին ասել է գեներալ Խաթեմ Մագսուսին, ով Իրաքում պայթուցիկների գծով առաջատար մասնագետ է։ Նրա խոսքով՝ գրոհայինները պատրաստել են պերօքսիդային ռումբեր և մահապարտների գոտիներ, այնպիսիք, ինչպիսիք օգտագործվել են Բրյուսելում և Փարիզում ահաբեկչությունների ժամանակ։ 

Գեներալի տվյալներով՝ ահաբեկիչները պատրաստել են նաև պայթուցիկներ նիտրատների հիման վրա:

«Մոսուլի համալսարանն ԻՊ-ի լավագույն հետազոտական կենտրոնն է աշխարհում»,- հայտարարել է գեներալը` հավելելով, որ Մոսուլում նախապատրաստել են նաև մահապարտների։