Լոխ Նեսի հատակին հայտնաբերվել են «հրեշի» մնացորդներ

Գիտնականները Մեծ Բրիտանիայի տարածքում գտնվող  Լոխ Նես լճի հատակին հայտնաբերել են  «հրեշի» մնացորդներ, որոնք ամենևին էլ չեն պատկանում առեղծվածային ջրային արարածին:

Ինչպես նշում է lenta.ru-ն, ստորջրյա սարքավորումը հայտնաբերել է 1960-ականներին «Շերլոք Հոլմսի անձնական կյանքը» ֆիլմի նկարահանումների համար ստեղծված «հրեշի» մնացորդները:

Ըստ լեգենդի՝ շոտլանդական լճի խորքում բնակվում է նախապատմական արարած, որի գոյության վերաբերյալ բազմիցս ներկայացվել են կեղծ լուսանկարներ ու տեսանյութեր: