Telegram մեսենջերի աշխատանքում խափանում է տեղի ունեցել

Telegram մեսենջերն անհասանելի է դարձել Ռուսաստանի օգտատերերի համար։

Ինչպես տեղեկացնում է gazeta.ru-ն, օգտատերերը հնարավորություն չեն ունեցել խմբային նամակագրությամբ կամ անձնական զրույցներում հաղորդագրություններ ստանալ։

Ցանցի հիմնադիր Պավել Դուրովը Twitter-ի իր միկրոբլոգում հաղորդել է, որ խափանումը պայմանավորված է եվրոպական կենտրոնում անջատիչի վերագործարկման հետ։

Նշվում է, որ օգտատերերի մեծ մասի մոտ մեսենջերի աշխատանքը վերականգնվել է։