Apple-ը 2015 թվականին իր օգտագործված սարքերից 1 տոննա ոսկի է ստացել

2015 թվականին Apple ընկերությունն օգտագործված սարքերի վերամշակման ընթացքում դրանցից ստացել է 2204 ֆունտ կամ մոտ մեկ տոննա ոսկի։ Այդ մասին ասված է ընկերության բնապահպանական գործունեությանը նվիրված զեկույցում, հաղորդում է rbc.ru-ն:

Տրոյական ունցիայի համար 1229,8 դոլար ընթացիկ գներով՝ հին սմարթֆոններից և համակարգիչներից ստացված թանկարժեք մետաղն արժե մոտ 39,5 միլիոն դոլար:

Փորձագետների հետազոտության համաձայն՝ սովորական սմարթֆոնում կա 30 միլիգրամ ոսկի, որն օգտագործվում է տարբեր մասերում։

Apple-ի զեկույցում նշվում է, որ ընդհանուր առմամբ օգտագործված սարքերից ստացվել է 27,83 հազար տոննա նյութ։