ՆԱՍԱ-ն հայտարարել է սև անցքերից լույսի հնարավոր առկայծման մասին

ՆԱՍԱ-ն հայտարարել է, որ Laser Interferometer Gravitational-Wave Observatory  լաբորատորիայում բարձր էներգետիկ լույսի առկայծում են գրանցել, որն առաջացել է  սև անցքերի միաձուլման արդյունքում:

Ինչպես գրում է Корреспондент-ը` այս իրադարձությունը թույլ է տվել գիտնականներին ենթադրել, որ սև անցքերը կարող են  լույս արձակել:

«Այդ բռնկման վերլուծությունը ենթադրում է, որ պատահական համընկնումը միայն 0.2 տոկոսով է հավանական»,-ընդգծել են ամերիկյան տիեզերական գործակալությունից:    

Գիտնականները նշում են, որ գիտության համար իսկապես նշանակալի իրադարձություն կլինի այն վարկածի հաստատումը, ըստ որի՝ գամմա-ճառագայթները առաջացել են սև անցքերից: Մինչ օրս ընդունված էր կարծել, որ լույսի առկայծում սև անցքերի միաձուլման ժամանակ տեղի չի ունենում: