Ռուս տղամարդը գարեջրի խողովակաշար է տեղադրել իր տանը և գարեջուրն ըմպում է հենց խոհանոցի ծորակից (տեսանյութ)

ՌԴ Չելյաբինսկ քաղաքի բնակիչն անհատական գարեջրի խողովակատար է տեղադրել իր տանը և այժմ սովորական ջրից բացի նրա խոհանոցում հնարավոր է ծորակից հոսող գարեջուր ըմպել: 

Ինչպես ներկայացնում է Oddity Central-ը, մասնագիտությամբ մեխանիկ և գարեջրի սիրահար Անդրեյ Երեմեևին հաջողվել է իրականացրել  իր վաղեմի երազանքը: Երկար տարածություն կտրելու հարկ էլ չի եղել: Գարեջուրը խողովակաշարով նա բերում է իրենց իսկ շենքի տակ գործող գարեջրի խանութից:

Միտքը սկզբում կատակով է հնչել ընկերների շրջանում, սակայն ավելի ուշ է որոշվել այն իրագործել:

Տղամարդը դիմել է խանութի ղեկավարությանն իր արտասովոր նախագծի խնդրանքով և դրական պատասխան ստացել:

Կարգավորելով իրավաբանական հարցերն ու պահպանելով անվտանգության կանոնները՝ Երեմեևը գործարանային ինժեների օգնությամբ նախագծել և տեղադրել է խողովակաշարը, որով գարեջուրը հասնում է իր բնակարան: