Shell նավթագազային ընկերությունը գերխնայող մեքենայի կոնցեպտ է ներկայացրել

22:02 • 22.04.16

Shell հոլանդա-բրիտանական նավթագազային ընկերությունը ապրիլի 22-ին ներկայացրել է կոմպակտ և տնտեսող քաղաքային մեքենայի կոնցեպտը:

Ինչպես ներկայացնում է Lenta.ru-ն` վկայակոչելով ընկերության աղբյուրները, 70 կմ/ժամ արագությամբ 100 կմ ճանապարհ անցնելով` երեք տեղանի մեքենան 2.64 լիտր վառելիք է ծախսում:

Այս ցուցանիշը գրանցվում է համեստ չափսերի, առաջնամասի դիմադրության ցածր գործակցի և փոքր քաշի (ընդամենը 500 կգ) հաշվին:

Նշվում է, որ մեքենան շահագործման ողջ ընթացքում երեք անգամ ավելի տնտեսող կլինի, քան ցանկացած այլ քաղաքային մեքենա:

Կոնցեպտի դիզայնը մշակել է բրիտանացի ինժեներ Գորդոն Մյուրեյը, ով նախկինում աշխատել է McLaren F1 սպորտային մեքենայի վրա: Ուժային համակարգը մշակել է Geo Technology ընկերությունը: