Ականի վրա պայթած զինակցին օգնելիս՝ ծանր վիրավորվել է նաև Վանաձորի առաջին քաղաքապետը

Լեռնային Ղարաբաղի հյուսիսային ուղղության առաջնագծում ականի պայթյունից ծանր վիրավորում է ստացել Վանաձորի առաջին քաղաքապետ Անդրանիկ Հարությունյանը. Tert.am-ին այս մասին ասաց ԵԿՄ Լոռու մարզային խորհրդի նախագահ Կամո Հովհաննիսյանը:

Նա տեղեկացրեց, որ Անդրանիկ Հարությունյանի վիրահատության է ենթարկվել, ոտքի վերջույթը հեռացվել է: Նրան միացված է արհեստական շնչառության ապարատ:

«Իր ծառայակից ընկերներից մեկը մտել է ականապատված տարածք՝ պայթել է, ինքն էլ փորձել օգնի, բայց ինքն էլ է ծանր վիրավորվել»,-ասաց նա, սակայն մանրամասներ չկարողացավ հայտնել՝ զինակից ընկերը զոհվե՞լ է, թե ոչ, ասաց, որ տեղեկացված չէ:

Ըստ Կամո Հովհաննիսյանի տեղեկության՝ Վանաձորի առաջին քաղաքապետ կյանքին վտանգ չի սպառնում: Նրան պատրաստվում են նոր վիրահատություն կատարել, այս անգամ մարմնից պետք է հեռացվեն բեկորները:

ԵԿՄ Լոռու մարզային խորհրդի նախագահը նշեց, որ Անդրանիկ Հարությունյանը 61 տարեկան է, նրա որդին ևս բարձրաստիճան զինվորական է, ով ևս առաջնագծում է:

լուսանկարը՝ lorinews.am-ի