Ճապոնացիներն արևային էներգիա ստանալու գերարդյունավետ «լողացող» գործարան են կառուցել (տեսանյութ)

Ճապոնացի ինժեներներն արևային էներգիայի ստանալու գերարդյունավետ լողացող համակարգ են մշակել:

Tech Insider-ի ներկայացմամբ` արևային այս վահանակներն առավել արդյունավետ են, քանի որ դրանք լողում են ջրի վրա: Դրանք կառուցվել են ճապոնական Կատո քաղաքում գտնվող ջրամբարում:

Լողացող արևային վահանակներն ավելի շատ էներգիա կարող են արտադրել, քան գետնի վրա կառուցված համակարգերը, քանի որ ջուրը հովացնում է վահանակներն ու խթանում դրանց արդյունավետությունը:

Տեսանյութում ներկայացվում է Տոկիոյում գործող ընկերության կառուցած երկու հսկայական արևային գործարաններից մեկը: Նախատեսված է, որ դրանցից յուրաքանչյուրը 3300 ՄՎատ/ժամ էներգիա է արտադրելու տարեկան կտրվածքով: Դա բավարար է 920 տնային տնտեսություն էներգիայով ապահովելու համար:

Լողացող վահանակները 100 տոկոսով վերամշակելի են և նախատեսված են կոշտ եղանակային պայմաններին դիմանալու համար, ինչպիսիք են փոթորիկն ու թայֆունը:

Տեսանյութը՝այստեղ: