Անթալիայում ոստիկանները հանցագործներին ձերբակալելու ընթացքում բյուզանդական ժամանակաշրջանի եկեղեցու մնացորդներ են գտել

Անթալիայի Քորքութելի շրջանում ոստիկանությունն ահազանգ է ստացել գանձ որոնողների ապօրինի գործողությունների մասին:

Դեպքի վայր մեկնած ոստիկանությունը ձերբակալել է կասկածյալներին, պարզել, որ այդ վայրում բյուզանդական ժամանակաշրջանից մնացած եկեղեցի ու հնավայր կա:

Ինչպես տեղեկացնում է Milliyet-ը, ոստիկանները դեպքի վայրի զննությամբ խճաքարային հատակներ, քարե հավանգ, մեծ դատարկ տուփ են հայտնաբերել:

Դեպքի վայր են ժամանել Անթալիայի թանգարանային տնօրինության աշխատակիցները, որոնք էլ ենթադրել են, որ հայտնաբերվածը բյուզանդական ժամանակաշրջանից մնացած եկեղեցու մնացորդներ են։