Google-ի Chromebook-ն առաջին անգամ գերազանցել է Apple Mac նոթբուքերի վաճառքը ԱՄՆ-ում

ԱՄՆ-ում Google-ի ոչ թանկարժեք Chromebook կոչվող նոթբուքերի վաճառքն առաջին անգամ գերազանցել է Apple  ընկերության Mac  նոթբուքերի վաճառքին:

Ինչպես գրում է The Verge-ը` մեջբերելով IDC վերլուծական ընկերության տվյալները, 2016-ի հունվարից մարտ ընկած ժամանակահատվածում ամերիկյան շուկայում 1.76 մլն Mac համակարգիչ է վաճառվել, մինչդեռ Dell, HP Inc. և Lenovo արտադրող ընկերությունները միասին շուրջ 2 մլն  Chromebook են վաճառել:

Վերլուծաբաններն այս ցուցանիշը բացատրում են դպրոցներում Chromebook-երի մեծ տարածվածությամբ:  Միևնույն ժամանակ նշվում է, որ ԱՄՆ-ից դուրս իրականացվող վաճառքի մասին տվյալներ չկան:

Հիշեցնենք, որ վերջերս  Forbes-ը հրապարակել է ամենաարժեքավոր ապրանքանիշերի ամենամյա ցուցակը, որը գլխավորել էր Apple.-ը, իսկ երկրորդ և երրորդ տեղերը զբաղեցրել էին Google և  Microsoft ընկերությունները` համապատասխանաբար: