Նոր արևային մարտկոց է ստեղծվել, որը ջերմությունը փոխակերպում է պիտանի էներգիայի

Մասաչուսեթսի տեխնոլոգիական համալսարանի ինժեներներն արևային մարտկոց են ստեղծել, որը կարող է  ջերմությունը վերածել լույսի կամ պիտանի էներգիայի` մեծացնելով իր էներգետիկ արդյունավետությունը:

Ինչպես ներկայացնում է Tech Times-ը, այդպիսով հաջողվել է հաղթահարել տեսականորեն որոշված սահմանը, որով սահմանափակվում է արևային բջիջների արդյունավետությունը:

1961-ին ֆիզիկոսներ Ուիլյամ Շոքլին և Հանս Քվիսերն ապացուցել էին, որ գոյություն ունի արևային բջիջներից կազմված մարտկոցների արդյունավետության տեսական սահման լույսը էներգիայի վերածելու համար, որը կազմում է 32 տոկոս:

Սակայն վերջերս գիտնականները դիտարկում են այդ սահմանը անցնելու հնարավոր տարբերակները: Նոր աշխատության մեջ ինժեներներն  առաջարկել են այդ նպատակով արեգակնային  ջերմաֆոտովոլտայիկ կայան  կիրառել: