Բրիտանիայում վիրահատել են Նեմո ոսկե ձկնիկին` հեռացնելով խոշոր ուռուցքը (լուսանկարներ)

Բրիտանիայում Նեմո անունով ոսկե ձկնիկին ուռուցքի հեռացման հազվադեպ վիրահատություն են կատարել: 

Ինչպես տեղեկացնում է Agence France Presse-ը` ձկան տերերը 290 դոլար են ծախսել հիվանդանոցում իրականացված վիրահատության համար:

Անասնաբույժ Սոնյա Մայլսը, ով իրականացրել է ձկան վիրահատությունը, հայտնել է, որ 5-ամյա ձկանը նախ քնեցրել են, ապա հանել ջրից և հեռացրել ուռուցքը, որը գրեթե ձկան չափ էր:

Նա նաև նշել է, որ վիրահատության ընթացքում ձկան սիրտը մի պահ կանգնել է, սակայն բուժքրոջը հաջողվել է վերականգնել սրտի աշխատանքը: Վիրահատությունը 45 րոպե է տևել:

Վիրահատությունից հետո Նեմոյին վերադարձրել են ջրի մեջ, որտեղ այն սկսել է լողալ սովորականի պես: