Volkswagen-ն ու Gett-ը Audi և Porsche մեքենաները կվերածեն շքեղ տաքսիների

Գերմանական Volkswagen մեքենաշինական կոնցեռնն ու Gett տաքսի ծառայությունը վերջերս կնքված 300 մլն դոլարանոց պայմանագրի շրջանակում պատրաստվում են Audi և Porsche թանկարժեք մեքենաներն օգտագործել որպես շքեղ տաքսիներ:

Ինչպես նշում է motor.ru-ն, նախագծի վերաբերյալ շատ մանրամասներ չեն հաղորդվում: Գերմանական կողմը հայտնել է, որ VW-ի մեքենաները որպես տաքսի օգտագործել ցանկացող վարորդների համար գործելու են հատուկ լիզինգային ծրագրեր:

Աղբյուրը մանրամասնում է, որ ուշագրավ նախագծի մեկնարկը տրվելու է 2017թ. առաջին կեսին: Սկզբում ծառայությունը հասանելի կլինի Բեռլինում ու գերմանական մյուս խոշոր քաղաքներում, իսկ հետո կտարածվի մյուս եվրոպական երկրներում: