Հարավային Կորեայի մետրոյում տեղը հղիներին զիջել «հուշող» ծրագիր է փորձարկվել

Հարավային Կորեայում նոր համակարգ են փորձարկել մետրոյում, որը Bluetooth-ի միջոցով ուղևորներին զգուշացնում է  իրենց տեղը հղի  կանանց զիջելու մասին:

Ինչպես հաղորդում է BBC-ն` Pink Light («Վարդագույն լույս») անվանումն ստացած ծրագիրը Բուսան քաղաքում փորձարկել են 500 հղի կանայք 5 օրվա ընթացքում:

Կանայք հատուկ սենսորներ էին կրում, որոնք ակտիվացնում էին մետրոյի նստատեղերի վարդագույն լույսերը:

Սենսորների մարտկոցներն աշխատում են 5 ամիս: Դրանք պետք է պահվեն  պայուսակից  դուրս` ազդակը հնարավորինս արագ տեղ հասցնելու համար: Սենսորները, սակայն, անջրանցիկ չեն:

Ծրագիրն ստեղծվել է քաղաքային խորհրդի և տեղի գործարարների համատեղ աշխատանքի արդյունքում: