Եղանակն՝ այսօր
Շվեյցարացիները մարիխուանա պարունակող էլեկտրոնային ծխախոտ են ստեղծել
Շվեյցարացի գիտնականները ստեղծել են էլեկտրոնային ծխախոտ, որը մարիխուանա է պարունակում ու նախատեսված է բուժական նպատակով կիրառման համար:
Ինչպես նշում է euromag.ru-ն, ստեղծողների պնդմամբ՝ այն շատ ավելի անվտանգ ու ապահով է, քան սովորական մարիխուանա ծխելը կամ դեղահաբ օգտագործելը:
Նրանք առաջարկում են մարիխուանայով էլեկտրոնային ծխախոտն օգտագործել որպես այլընտրանքային թերապևտիկ միջոց ներկայում կիրառվող բուժական տարբերակին: Աղբյուրը մանրամասնում է, որ ներկայում մարիխուանայով բուժումը ենթադրում է օշարակի, դեղահաբերի, բերանի խոռոչի համար նախատեսված սփրեյի, կպչուն ժապավենի, մոմիկների օգտագործում:
Հայտնի է, որ որոշ երկրներում մարիխուանայի օգտագործումը բուժական նպատակներով օրինական է համարվում: Թմրանույթը քիչ չափաբաժիններով հատկացվում է ցավի մեղմման, ախորժակի խթանման, մկանային սպազմերի նվազեցման համար:
Studio One