Պետրայում ավազների տակ թաղված 2.150-ամյա հուշահամալիր է հայտնաբերվել (լուսանկարներ)

Լուսանկարում Պետրայի 2.000-ամյա տաճարն է

Հնագետներն արբանյակային լուսանկարների ուսումնասիրության արդյունքում հայտնաբերել են ահռելի հուշահամալիր, որը թաղված է հնամենի Պետրայի ավազների տակ:

Ինչպես նշում է The Guardian-ը, դատելով լուսանկարներից` հին աշխարհի` հողի տակ գտնվող հրաշքն ունի 56 մ երկարություն և 46 մ լայնություն: Արբանյակային լուսանկարների սքանավորումից պարզ է դարձել, որ հուշահամալիրը կառուցված է բարձր սյուներով, որոնց դիմացի մասում վեր է խոյանում երկար աստիճանավանդակը: Վերջինը տանում է դեպի ավելի փոքր կառույց, որն ունի 8 մ երկարություն և նույնքան լայնություն:

Հնագետների կարծիքով՝ ավազների տակ թաղված հուշահամալիրն ունի առնվազն 2.150 տարվա պատմություն:

Աղբյուրը մանրամասնում է, որ Պետրան ժամանակակից Հորդանանի տարածքում գտնվող հնագույն քաղաք է: