Իտալացիները ներկայացրել են Mazda Mx-5-ի ամառային տարբերակը (լուսանկարներ)

Ճապոնական Mazda մեքենաշինական ընկերությունը, համագործակցելով Garage Italia Customs թյունինգավորման  սրահի  հետ, ստեղծել է MX-5  ռոդսթերի ամառային տարբերակը:

Ինչպես նշում է motor.ru-ն, ընդամենը  մի օրինակով արտադրված ուշագրավ նորույթը ստացել է MX-5 Levanto անվանումը:

Աղբյուրը մանրամասնում է, որ մեքենան ստեղծելիս իտալացի թյուներները ոգեշնչվել են 1966թ. նկարահանված «Անվերջանալի ամառ» ֆիլմից: Հետաքրքրական է, որ մեքենայի թափքի ինքնատիպ երկգույն գունավորումը խորհրդանշում է ամառվա ծովային մայրամուտը, երբ արևը «հպվում» է հորիզոնին:

Ինչ վերաբերում է դրա տեխնիկական բնութագրին, ապա այն համալրված է 1.5 լ աշխատանքային ծավալով, 131 ձիաուժ հզորությամբ շարժիչով: