Գերմանացիների կեսը դեմ է կանցլերի պաշտոնում Մերկելի` 4-րդ ժամկետով ընտրվելուն

23:56 • 28.08.16

Գերմանիայի բնակչության կեսը դեմ է Անգելա Մերկելի` 4-րդ ժամկետով կանցլերի պաշտոնում ընտրվելուն:

Գերմանիայի կառավարության ղեկավարի պաշտոնում Մերկելի հետագա կառավարմանը պատրաստ է համաձայնել երկրում անցկացված հարցման մասնակիցների միայն 42 տոկոսը:

Ինչպես փոխանցում է DW.com-ը, հարցումն իրականացրել Emnid սոցիոլոգիական ինստիտուտը՝ Bild am Sonntag շաբաթաթերթի պատվերով:

Միաժամանակ նշվում է, որ օգոստոսի 28-ին հրապարակված ուսումնասիրության արդյունքների համաձայն` Քրիստոնեա-դեմոկրատական միության կողմնակիցների շարքում Մերկելի նոր ժամկետով կառավարմանը կողմ է հարցման մասնակիցների 70 տոկոսը, իսկ 22 տոկոսը` դեմ:

ԶԼՄ-ների տվյալներով` Անգելա Մերկելը հետաձգել է որոշումն այն մասին՝ առաջադրվելո՞ւ է երկրի կառավարության պաշտոնում, թե ոչ:

Բունդեսթագի հաջորդ ընտրությունները կկայանան 2017-ի աշնանը: