Նորվեգիայում կայծակի հետևանքով 323 եղնիկ է սատկել (լուսանկարներ)
Նորվեգիայի խոշորագույն Հարդանգերվիդա պուրակում կայծակի հարվածից 323 վայրի եղնիկ է սատկել. գրում է BBC-ն:
Հաղորդվում է, որ կենդանիները սատկել են կայծակի մեկ հարվածի հետևանքով: Հզոր հարվածը պատուհասել է Նորվեգիայի այդ շրջանին օգոստոսի 26-ին:
Կենդանիների մարմինները հայտնաբերվել են մոտ 50 քմ տարածքով հատվածում:
Այգու վարչակազմում կարծում են, որ ուժեղ կայծակի պատճառով նրանք վախից հավաքվել են մի տեղում:
Այժմ դեպքի վայրում աշխատում են այգու աշխատակիցները: Նրանք հավաքում են կենդանիների մնացորդները, որոնք կփոխանցվեն հետագա անալիզների համար:














