Հռոմի պապը և Մարկ Ցուկերբերգը մտադիր են հաղորդակցման տեխնոլոգիաները ծառայեցնել աղքատության դեմ պայքարին (լուսանկարներ)
Հռոմի պապ Ֆրանցիսկոսը հանդիպել է Facebook սոցկայքի հիմնադիր Մարկ Ցուկերբերգի և նրա կնոջ հետ. հայտնում են Վատիկանի ԶԼՄ-ները:
«Նրանք քննարկել են` ինչպես օգտագործել հաղորդակցման տեխնոլոգիաները` աղքատության դեմ պայքարելու և կենդանի շփման մշակույթը խրախուսելու համար»,- ասվում է հաղորդագրությունում:
Բացի դրանից՝ պոնտիֆիկոսը և Ցուկերբերգը քննարկել են միջոցառումները, որոնք կօգնեն «մի փոքր հույս տալ այն մարդկանց, ովքեր գտնվում են դժվար վիճակում»:
Հանդիպման ավարտին Ցուկերբերգը Հռոմի պապին նվիրել է անօդաչու սարքի խաղալիք մոդել, ինչպես նաև նշել է պոնտիֆիկոսի անմոռանալի ջերմության և բարության մասին:













