Էստոնիայի խորհրդարանը չի կարողացել նախագահ ընտրել նաև քվեարկության երկրորդ փուլում
Էստոնիայի խորհրդարանը երեքշաբթի օրը չի կարողացել նախագահ ընտրել քվեարկության երկրորդ փուլում, քանի որ երեք թեկնածուներից ոչ ոք չի հավաքել հաղթանակի համար անհրաժեշտ ձայների քանակը, հայտնում է РИА Новости-ն:
Մի քանի ժամ անց կանցկացվի քվեարկության երրորդ փուլը: Երրորդ փուլ են անցնում Եվրահանձնաժողովի նախկին փոխնախագահ Սիյմ Կալասը, որին պաշտպանում են իշխող կոալիցիայի մեջ մտնող Սոցիալ-դեմոկրատական կուսակցությունը և Ռեֆորմիստական կուսակցությունը, և Մայլիս Ռեպսը (առաջադրվել է ընդդիմադիր կուսակցության խորհրդարանական խմբակցության կողմից)։
Երկուշաբթի օրը, երբ կայացել է քվեարկության առաջին փուլը, պատգամավորներին նույնպես չի հաջողվել նախագահ ընտրել: Խորհրդարանում գաղտնի քվեարկության ժամանակ հաղթանակի համար թեկնածուն պետք է հավաքի պատգամավորների ձայների առնվազն երկու երրորդը:










