Ուկրաինայում ուսանողները կրթաթոշակները կրճատելու համար տորթ են նետել ֆինանսների փոխնախարարի վրա

21:38 • 30.08.16

Ուկրաինայի ֆինանսների նախարարության մամուլի ասուլիսի ժամանակ տեղացի ուսանողները տորթ են նետել փոխնախարար Սերգեյ Մարչենկոյի ուղղությամբ:

Ինչպես հաղորդում է Life.ru-ն` ուսանողների վրդովմունքն առաջացրել է ֆիննախարարության նախաձեռնությունը՝ կրթաթոշակները կրճատելու վերաբերյալ:

Բողոքի ակցիայի ժամանակ ուսանողները կարգախոսով պաստառներ են ցուցադրել և բացականչել, որ նախարարությունը պետք գումարներ հատկացնի կրթությանն ու առողջապահությանը, ոչ թե ռազմական գործողություններին երկրի հարավարևելյան շրջաններում:

Մի քանի րոպե անց բողոքողներին սրահից դուրս են բերել անվտանգության աշխատակիցները: