Ջերաբլուսի արևմուտքում թուրքական տանկ է խոցվել
Թուրքիայի պաշտպանության նախարարությունը պաշտոնական հաղորդագրություն է տարածել, համաձայն որի Սիրիայի Ջերաբլուսի շրջանի արևմտյան հատվածում թուրքական տանկ է խոցվել: Այս մասին հայտնում է թուրքական «Ջումհուրիյեթ» թերթը:
Թերթի փոխանցմամբ՝ հարձակման հետևանքով վիրավորվել է 3 թուրք զինվոր: Վիրավորները միանգամից տեղափոխվել են Թուրքիայի սահմանամերձ Գազիանթեփ քաղաքի հիվանդանոց:
Աղբյուրն առայժմ չի հաղորդում հարձակումն իրականացնող խմբավորման անունը:
Հիշեցնենք, որ թուրքական հատուկ նշանակության ուժերն օգոստոսի 24-ի առավոտյան մտել են Սիրիայի տարածք՝ «Իսլամական պետություն» խմբավորման գրոհայիններից հյուսիսային Ջերաբլուս քաղաքի ազատագրման գործողության շրջանակներում:










