Լավրովը բացատրել է՝ ինչու է Արևմուտքը հրաժարվում Ղրիմը Ռուսաստանի մաս ճանաչել

16:11 • 01.09.16

Ղրիմի միացումը Ռուսաստանի Դաշնությանը ճանաչելու համար Արևմուտքի համար իրավական խնդիրներ չկան, ասել է ՌԴ արտգործնախարար Սերգեյ Լավրովը:

 

Այդ մասին նա հայտարարել է Մոսկվայի Միջազգային հարաբերությունների պետական համալսարանի ուսանողների առաջ ելույթ ունենալով, հայտնում է ТАСС-ը:

 

«Չկա քաղաքական կամք, կա ակնհայտ քաղաքական ցանկություն՝ օգտագործել այդ իրավիճակն այն ուղղությամբ, որն իրականացվում է Արևմուտքի կողմից ԱՄՆ-ի առաջնորդությամբ՝ Ուկրաինայից դեռ շատ առաջ: Ռուսաստանի Դաշնությանը զսպելու ուղղությամբ»,- նշել է ՌԴ արտգործնախարարը:

 

Լավրովը նշել է, որ Ղրիմի միացումը ՌԴ-ին «տեղի է ունեցել միջազգային իրավունքին ամբողջական համապատասխանությամբ», և դա եղել է ժողովրդի կողմից ինքնորոշման իրավունքի իրականացման ձև:

 

Հիշեցնենք, որ Ղրիմը Ռուսաստանի կազմի մեջ է մտել 2014 թվականի մարտին տեղի ունեցած հանրաքվեի արդյունքներով: