Բիշքեկում բողոքի ակցիա է սկսվել մասնավոր սեփականության առգրավման մասին օրենքի դեմ
Բիշքեկի բնակիչները դուրս են եկել Հողային օրենսգրքում փոփոխությունների դեմ բողոքի ակցիայի։
Այդ փոփոխությունները հնարավորություն են տալիս քաղաքացիներից առգրավել մասնավոր հողային տարածքները հանրային կարիքների համար, հայտնում է РИА Новости-ն:
«Մենք պահանջում ենք, որ պատգամավորները դուրս գան մեզ մոտ, լսեն, թե մարդիկ ինչ են ասում, և հետ կանչեն այդ օրենքի նախագիծը»,- ասել է հանրահավաքի մասնակիցներից մեկը:
Հաղորդվում է, որ խորհրդարանի շենքի մոտ է դուրս եկել մոտ 300 մարդ, ովքեր հանդես են գալիս մասնավոր սեփականության իրավունքի «անհապաղ պաշտպանության» օգտին:










