Ինդոնեզիայի ափերի մոտ 5.8 մագնիտուդ հզորությամբ երկրաշարժ է տեղի ունեցել

01:57 • 02.09.16

Ինդոնեզիայի ափերի մոտ 5.8 մագնիտուդ հզորությամբ երկրաշարժ է տեղի ունեցել, հաղորդում է ԱՄՆ-ի երկրաբանական ծառայությունը (USGS):

Ցնցումները գրանցվել են Պադանգսիդեմպուան քաղաքից 120կմ հարավ-արևմուտք: Օջախը տեղակայված է եղել 24,3կմ խորության վրա:

Զոհերի ու ավերածությունների մասին տեղեկություններ չկան: Ցունամիի վտանգ չի հայտարարվել:

2004թ-ին Ինդոնեզիայի Սումատրա կղզու մոտ տեղի է ունեցել վերջին 40 տարվա ընթացքում գրանցված ամենաուժեղ երկրաշարժը: Դրա հետևանքով առաջացած ցունամին դարձել է 12 երկրներից հարյուր հազարավոր մարդկանց մահվան պատճառ: