ԵՄ-ն և Թուրքիան կշարունակեն աշխատել բոլոր կնքված պայմանագրերի շրջանակում. Մոգերինի

18:31 • 03.09.16

Թուրքիան ԵՄ անդամ երկրների ԱԳՆ ղեկավարների հետ հանդիպման ընթացքում հաստատել է ԵՄ-ի հետ միգրացիոն համաձայնագիրը կատարելու պատրաստակամությունը, հայտարարել է եվրոպական դիվանագիտության ղեկավար Ֆեդերիկա Մոգերենին:

«Մենք պայմանավորվել ենք, որ բոլոր համաձայնագրերը կշարունակեն իրագործվել»,- ասել է Մոգերենին:

 РИА Новости-ի հավաստմամբ՝ նա նշել է, որ «շարունակվում է աշխատանքը բոլոր համաձայնագրերի շրջանակում, որոնց ուղղությամբ ԵՄ-ն և Թուրքիան սկսել են աշխատել նախորդ ամիսներին»:

«Այսօր թուրքական կողմը հաստատել է միգրացիոն հոսքերը կառավարելու համաձայնագիրը կատարելու պատրաստակամությունը: Մեր կողմից կան հստակ պայմաններ, որոնց վրա մենք մշտապես աշխատում ենք: Աշխատանքը երբեք չի դադարել»,- ասել է Մոգերինին: