Ուզբեկստանի նախագահի հուղարկավորությանը ՀՀ–ից կմասնակցի Հերմինե Նաղդալյանը

13:20 • 03.09.16

Ուզբեկստանի նախագահ Իսլամ Քարիմովի հուղարկավորության արարողությանը Հայաստանից կմասնակցի ՀՀ Ազգային ժողովի փոխնախագահ Հերմինե Նաղդալյանը: 

Այս մասին Tert.am-ին հայտնեց ՀՀ ԱԺ տեղեկատվության և հասարակայնության հետ կապերի վարչության պետ Արսեն Բաբայանը:

«Ազգային ժողովի փոխնախագահ Հերմինե Նաղդալյանը մեկնել է Սամարղանդ, որտեղ կմասնակցի Ուզբեկստանի նախագահ Իսլամ Քարիմովի հուղարկավորության արարողությանը»,- ասաց Արսեն Բաբայանը: 

Հիշեցնենք, որ լրատվամիջոցները Ուզբեկստանի նախագահ Իսլամ Քարիմովի մահվան մասին տեղեկացնում էին մի քանի օր առաջ, սակայն պաշտոնապես այն հաստատվեց սեպտեմբերի 2-ին: Նրա հուղարկավորություն տեղի կունենա Սամարղանդում սեպտեմբերի 3-ին: