Չինացին պայթեցրել է ինքն իրեն ամուսնալուծության գործընթացի ժամանակ
Չինաստանի Հեյլունցզյան նահանգի բնակիչներից մեկն ամուսնալուծության գործընթացի վերաբերյալ կնոջ հետ ունեցած վեճերի պատճառով դատարանի շենքի մոտ պայթեցրել է ինքն իրեն:
Ինչպես նշում է lenta.ru-ն՝ տեղի իշխանություններին հղումով, Վեն և Չեն Մոումոու ամուսինները հանդիպել են դատարանի մոտ, որտեղ պետք է կայանար իրենց ամուսնալուծության վերաբերյալ նիստը: Սակայն կնոջ և տղամարդու միջև վեճ է ծագել, ինչից հետո ամուսինը գործի է դրել պայթուցիկը:
Վեն Մոումոուն տեղում մահացել է, իսկ նրա կինը վնասվածքներ է ստացել: Նրա կյանքին վտանգ չի սպառնում:











