Օբաման պատմության մեջ առաջին անգամ դաշնային դատավորի պաշտոնի համար մուսուլման թեկնածու է առաջադրել
Միացյալ Նահանգների նախագահ Բարաք Օբաման դիմել է աննախադեպ քայլի՝ դաշնային դատավորի պաշտոնի համար առաջադրելով մուսուլման թեկնածուի:
Ինչպես նշում է The Business Insider-ը, խոսքն Աբիդ Քուրեշիի մասին է, ով առաջադրվել է Կոլումբիայի շրջանի շրջանային դատարանի դատավորի պաշտոնի համար:
«Ուրախ եմ հայտարարելու, որ պրն Քուրեշին առաջադրվել է ծառայելու Միացյալ Նահանգների շրջանային դատարանում»,-ասել է Օբաման՝ վստահություն հայտնելով առ այն, որ իր առաջարկած թեկնածուն հավուր պատշաճի կկատարի իր աշխատանքային պարտականությունները:
Աղբյուրը մանրամասնում է, որ դեռևս հայտնի չէ, թե արդյոք Քուրեշիի թեկնածությունը կհաստատվի նախքան Օբամայի՝ նախագահի պաշտոնից հեռանալը:










