Պարալիմպիկ խաղերի բացմանը Բելառուսի հավաքականը ծածանել է Ռուսաստանի դրոշը (լուսանկարներ)

11:22 • 08.09.16

Բրազիլական Ռիո դե Ժանեյրո քաղաքում տեղի է ունեցել Պարալիմպիկ խաղերի բացման հանդիսավոր արարողությունը, որի ընթացքում գրանցվել է ուշագրավ միջադեպ:

 

Ինչպես նշում է ria.ru-ն,  Բելառուսի հավաքականը «Մարականա» մարզադաշտով անցնելու ժամանակ իրենց ազգային դրոշի հետ մեկտեղ ծածանել է նաև հարևան Ռուսաստանի եռագույնը: Հայտնի է, որ ռուսական դրոշը մարզադաշտով տարել է մի տղամարդ, սակայն վայրկյաններ անց եռագույնը նրա ձեռքից խլել են:

 

Աղբյուրը մանրամասնում է, որ Միջազգային պարալիմպիկ կոմիտեն (ՄՊԿ) տվյալ միջադեպի առնչությամբ հետաքննություն է սկսել:

 

Նշվում է, որ բելառուսների դեմարշը դուր չի եկել ՄՊԿ-ին, որը, հնարավոր է, պատժամիջոցներ կկիրառի կարգը խախտած բելառուս մարզիկի նկատմամբ: 

 

Հիշեցնենք, որ ՄՊԿ-ն օգոստոսի 7-ին հայտնել է ռուս մարզիկներին որակազրկելու մասին, ինչը պայմանավորված է դոպինգային սկանդալով:

 

Делегация Белоруссии на церемонии открытия Паралимпийских игр в Рио. 8 сентября 2016